شيرين عبد الوهاب مش اخر اعداء نجاحك يا تامر | هاتى اشاعه جديده يا شيرين

يا جماعه
شفتوا ال حصل وال قالته شيرين عن تامر
كميه الحقد والكره ال فيها باين اوى
كل مره بنسكت وتامر بيعمل بالعشره والاخوة ال كانت ما بينهم
لكن هيه خاينه للاخوه دى
كل شوية تطلع تتكلم عن تامر طب ليه .
تفتكروا ليه يا تيموريه ..
عشان تامر انجح منها وجماهريته اكتر بكتير منها
ولا علشان شريطها لسه نازل وفشل

انا اول ما سمعت ال قالته بجد .. زعلت جدا

هناخدلك حقك كلنا يا تامر ..
مش اول مره نتحارب و لا شيرين اخرت اعداء نجاحك

شرين دى زمان كانت بتقول محدش زى تامر
ومش هييجى مطرب زيه

شفتوا الحقد بيعمل ايه

وبعدين يا شيرين
هاتى اشاعه جديده شوية غير بيأجر جمهوره
عشان دى قديمه اوى واتحرقت
انتى حافظة ومش فاهمه

لان احنا جمهور كبير جدا
ومحدش يقدر يشترينا بمال الدنيا كله

احنا بنحبه بجد
ومستعدين نعمل اى حاجه علشانه
بطلى الحقد ال فى قلبك وركزى فى شغلك
ومتتكلميش عن حد غيرك تامر او غيره
( اعملى فى صمت حتى تزدادى نجاحا )وتبقى زيه


الموضوع مش موضوع تامر حسنى ولا موضوع عمرودياب
كل واحد فيهم نجم كبير وبيعبر عن جيله
وانتى خليكى فى الحته ال انتى فيها
وحاولى تكبريها .. ومتبصيش على نجاح الاخرين
بصى لمستقبلك احسن ومتكلميش على غيرك
.( طول ما اى شخص يتكلم عن شخص اخر فثق تمام
ا ان الشخص الاخر فى مكانه مرتفعه جدا تجعل الاخرين
يستفذونه وهذا هو النجاح وهى دى سنه الحياه )

من فترة طويله تكلم حسام حبيب عن تامر بطريقه
غير لائقه تماما للصداقه الفنيه و ياتى بعده
عمرو مصطفى وتاتى بعدهم شيرين عبد الوهاب
وكثير من البرامج التليفزيونيه التى تهاجم
تامر حسنى وكذلك الصحافه الصفرا
وقريبا سياتى فنان اخر يغلط فى تامر حسنى مثل هؤلاء

فكر كده ليه شركة بيبسى اكبر شركة فى العالم
واقدم شركة اختارت تامر حسنى ليكون هو
ممثل بيبسى فى الشرق الاوسط والعالم العربى وشمال افريقيا
والنجاح الذى حققه تامر فى الوطن العربى .
..اكيد كل الادله دى وكل الحاجات ال بنشوفها دى
بتثبت ان هذا الشخص تجعل هذ الشخص يغيرون منه داخل الوسط الفنى ...
وعايز اشكر كل الفنانين وكل الجرائد
و محطات التى فى والراديو الذى تتكلم عن تامر بصورة لائقه
ليس بها حقد ولا غيره واحترم فى
تامر حسنى عن نفسى انه يعمل فى صمت ويجعل الاخرون يتكلمون
( بسم الله الرحمن الرحيم ) وكل اعملوا فسيرى اللله عملكم ...صدق الله العظيم
وفى نهاية هذا الموضوع
ربنا يهدى نفوس الناس حتى لا نشتت جميعا
ويارب اجعل كل العرب وكل الناس يد واحده .. فى الفن والرياضة
وفى سلام ...

مشكورة اختى على الموضوع المميز
ليك كل اتقدير والاحترام